Azerbaýjan wekiliýeti “Turkmentravel-2026” atly halkara çäresine gatnaşdy
2026-njy ýylyň aprel aýynyň 14-16-da Aşgabatda, Türkmenistanyň Söwda-senagat palatasynda ýurduň syýahatçylyk mümkinçiliklerini giňişleýin tanyşdyrmak, halkara kompaniýalary bilen özara peýdaly hyzmatdaşlygy ösdürmek, şeýle hem degişli pudakdaky öňdebaryjy tejribeleri öwrenmek maksady bilen “Turkmentravel-2026” halkara syýahatçylyk sergisi we konferensiýasy geçirildi. Sergide Türkmenistanyň Mejlisiniň başlygy, Ministrler Kabinetiniň Başlygynyň orunbasarlary, ministrlikleriň we pudaklaýyn dolandyryş edaralaryň, jemgyýetçilik guramalarynyň, köpçülikleýin habar beriş serişdeleriniň, , daşary ýurtlaryň syýahatçylyk boýunça döwlet edaralarynyň, Türkmenistandaky diplomatik wekilhanalaryň, şeýle hem halkara guramalarynyň ýolbaşçylary we wekilleri gatnaşdylar. Türkmenistanyň we daşary ýurtlaryň syýahatçylyk ulgamynda işleýän 70-e golaý kompaniýasy sergi stendlerinde wekilçilik etdiler.
Aprel aýynyň 16-na daşary ýurtly myhmanlaryň, syýahatçylyk ulgamyndaky mugallymlaryň we talyplaryň gatnaşmagynda “Syýahatçylyk - medeniýetleriň köprüsi: syýahatçylykda durnukly ösüş we halkara hyzmatdaşlygy” atly ylmy-amaly maslahat geçirildi.
Şol bir wagtyň özünde, Azerbaýjan Respublikasynyň Döwlet Syýahatçylyk Agentliginiň Aparat ýolbaşçysy Kenan Aliýewiň ýolbaşçylygyndaky delegasiýa çärä gatnaşdy we panel diskussiýalarynda çärä gatnaşyjylara Azerbaýjanyň syýahatçylyk mümkinçilikleri, syýahatçylyk ulgamyndaky statistik görkezijiler, ýurdumyzda geçirilýän halkara çäreleri barada maglumat berdi we bu mesele boýunça “Turkmenistaninfo” gazetine interwýu berdi. Şeýle hem, delegasiýa Türkiýäniň Türkmenistandaky Ilçihanasy tarapyndan guralan “Türkiýe Syýahatçylyk Hepdeligi” çäresine hem gatnaşdy.
.jpeg)