Awgust aýynyň 5-ne, Türkmenistanyň Türkmenbaşy şäherindäki “Awaza” milli syýahatçylyk zolagynda Birleşen Milletler Guramasynyň Deňze Çykalgasy Bolmadyk Ösüp Barýan Ýurtlar boýunça üçünji maslahaty geçirildi.
Azerbaýjan Respublikasynyň Premýer-ministri Ali Asadowyň ýolbaşçylygyndaky delegasiýa Maslahatyň plenar mejlisine gatnaşdy.
Ýygnakda çykyş eden Premýer-ministr, BMG-nyň Baş sekretary Antonio Guterreş, Türkmenistanyň Prezidenti Serdar Berdimuhamedow we çärä gatnaşýan beýleki döwlet we hökümet baştutanlaryna Azerbaýjan Respublikasynyň Prezidenti Ylham Aliýewiň adyndan salamlaryny gowşurdy.
Azerbaýjan-Türkmenistan gatnaşyklary barada durup geçen Aly Asadow, bu gatnaşyklaryň umumy mirasa, taryha we birek-birege goýulýan hormata esaslanýandygyny aýtdy.
Şunuň bilen baglylykda, Türkmenistanyň Halk Maslahatynyň başlygy Gurbanguly Berdimuhamedowyň ýakyn wagtda Azerbaýjana eden saparynyň ähmiýeti, bu saparyň ikitaraplaýyn strategiki hyzmatdaşlygy has-da pugtalandyrmak üçin täze mümkinçilikler döredendigini aýtdy.
Deňze çykalgasy bolmadyk ýurt statusyna garamazdan Azerbaýjanyň transport syýasaty we täze, häzirki zaman infrastrukturasy geografiki çäklendirmeleri mümkinçiliklere öwürýändigi ünsi çekdi.
Azerbaýjanyň Gündogar-Günbatar we Demirgazyk-Günorta transport koridorlaryna möhüm goşant goşýan ýurtdygy mälim edildi.
"Hazar deňzinde 50-den gowrak gämiden ybarat bolan iň uly söwda floty, häzirki wagtda 10 gämi öndürýän gämi abatlaýyş zawody, ýakyn ýyllarda kuwwaty ýylda 25 million tonna ýetjek Baku Halkara Deňiz Söwda Porty, Baku-Tbilisi-Kars demir ýoly, 9 halkara howa menzili, sebitdäki iň uly howa ýük kompaniýasy we beýleki köp faktorlar Azerbaýjany halkara transport merkezleriniň birine öwürdi” diýip, Aly Asadow belledi.
Merkezi Koridoryň ähmiýeti barada durup geçen Premýer-ministr Hytaýyň birnäçe şäherlerinden konteýner blok-otlylaryň Baku 10-12 günüň içinde baryp ýetmeginiň Merkezi Koridoryň möhüm söwda ýoly hökmünde ähmiýetiniň ulydygyny aýtdy.
BMG-nyň Merkezi Aziýanyň Ýurtlarynyň Ykdysadyýetleri üçin Ýörite Maksatnamasynyň - SPECA-nyň çäginde hyzmatdaşlygyň ähmiýeti bellendi.
Sanly baglanyşyk pudagyndaky hyzmatdaşlygyň uly potensiala eýedigini mälim eden Aly Asadow, Azerbaýjanyň "Sanly Ýüpek Ýoly" ýaly iri taslamalar arkaly sanly özgeriş başlangyjyny durmuşa geçirýändigi barada ünsi çekdi.
Howanyň durnuklylygyny güýçlendirmek boýunça bilelikdäki tagallalara ýokary baha berildi. Geçen ýyl Azerbaýjanda COP29 geçirilendigi barada maslahata gatnaşyjylara habar beren Premýer-ministr taýarlyk işinlerine bir ýyldan az wagtyň bolandygyna garamazdan, üstünlikli netijäniň gazanylandygyny, howanyň üýtgemegi bilen bagly işler barada taryhy kararlaryň kabul edilendigi barada durup geçdi.
2022-nji ýylda Aşgabatda geçirilen Hazar Kenarýaka Döwletleriniň Döwlet Baştutanlarynyň 6-njy Sammitinde Azerbaýjan Respublikasynyň Prezidenti Ylham Alyýewiň bu daşky gurşaw meselesine aýratyn üns berendigi bellendi.
Azerbaýjanyň Prezidentiniň teklibine esaslanyp, Hazaryň ýalpaklaşmasynyň sebäplerini öwrenmek we onuň öňüni almak maksady bilen bilermenler toparyny döretmek ugrundaky ädimlerdiriň atylandygy barada habar berildi.
Sözüniň ahyrynda Premýer-ministr deňze çykalgasy bolmadyk ösüp barýan ýurtlary güýçlendirmek, olaryň ýerleşýän sebitlerini integrasiýa etmek we dünýäniň has gülläp ösmegi üçin hyzmatdaşlygy ösdürmek ugrunda ähli mümkinçiliklerden peýdalanmagyň zerurdygyny aýtdy we Azerbaýjanyň öz tejribesi, çeşmeleri we hoşniýetliligi bilen bu işe goşant goşmaga taýýardygyny aýtdy.
