Prezident Ylham Alyýew we Gurbanguly Berdimuhamedow Şuşada Mehmandarowlaryň köşk toplumyna bardylar
Azerbaýjan Respublikasynyň Prezidenti Ylham Alyýew we Türkmenistan Halk Maslahatynyň başlygy Gurbanguly Berdimuhamedow iýul aýynyň 17-ne Şuşada Mehmandarowlaryň köşk toplumyna bardylar.
Myhman uly we kiçi ýaşaýyş jaýlaryndan, maşgala metjidinden we suw çüwdüriminden ybarat toplumyň Mehmandarow maşgalasynyň wekilleri tarapyndan XVIII asyrda gurlandygy barada maglumat berildi.
Azerbaýjanyň baý binagärlik däpleriniň seýrek nusgalarynda biri bolan Mehmandarowlaryň köşk toplumynyň Geýdar Aliýew Gaznasy tarapyndan dikeldilendigi bellendi. 2021-nji ýylyň oktýabr aýyndan bäri toplumda, şol ýerdäki maşgala metjidinde we çüwdürimde abatlaýyş-dikeldiş işleri alnyp barylyp, çeşmäniň üçegi öňki ýagdaýyna getirildi. Bu çüwdürim, Prezident Ylham Alyýew 2022-nji ýylyň sentýabr aýynda toplumda dikeldiş işleriniň gidişi bilen tanyş bolanda işe girizildi. 2023-nji ýylyň maý aýynyň 9-da bolsa Prezident Ylham Alyýew we Birinji hanym Mehriban Alyýewa dikeldiş işlerinden soň Mehmandarowlaryň köşk toplumynyň açylyşyna gatnaşdylar. Dikeldiş işlerinden soňra köşk toplumynda muzeý ekspozisiýasy hem döredildi. "Karabah beginiň öýi" mowzugyndaky ekspozisiýa düzülende, XIX asyryň ahyry XX asyryň başlarynda Karabah begiň öýüniň interýeri we akyldar şahsyň ýaşaýyş durmuşynyň aýratynlyklary esas hökmünde kabul edilýär. Ekspozisiýa düzülende 150-den gowrak antik goşlardan ulanyldy.
