Ministr Jeýhun Baýramow bilen Türkmenistanyň Ministrler Kabinetiniň başlygynyň orunbasary, Daşary Işler Ministri Raşid Meredowyň arasyndaky telefon söhbetdeşligi barada metbugat beýanaty
Mart aýynyň 7-ne Türkmenistanyň Ministrler Kabinetiniň başlygynyň orunbasary, Daşary Işler Ministri Raşid Meredow Azerbaýjan Respublikasynyň Daşary Işler Ministri Jeýhun Baýramowa jaň etdi.
Telefon söhbetdeşliginiň dowamynda Azerbaýjan Respublikasynyň Nahçywan Awtonom Respublikasynyň territoriýasyna
Eýran Yslam Respublikasynyň
dron hüjümlerinden ýüze çykýan meseleler ara alnyp maslahatlaşyldy.
Ministr Jeýhun Baýramow beýleki tarapa dron hüjümleri barada giňişleýin maglumat berdi. Azerbaýjan Respublikasynyň territoriýasyna edilen bu hüjümiň halkara hukugynyň kadalarynyň we ýörelgeleriniň bozulmagydygyny we sebitde dartgynlylygyň ýokarlanmagyna hyzmat edýändigini aýtdy. Hüjüm bilen bagly Eýran tarapynda gysga wagtyň içinde düşündiriş bermeginiň zerurdygy nygtaldy.
Türkmenistanyň Ministri häzirki ýagdaýyň alada döredýändigine ünsi çekdi.
Ministrler şeýle hem özara gyzyklanma döredýän beýleki meseleler boýunça hem pikir alyşdylar.
