Leýla Aliýewa Türkmenistanda Howandarlyga mätäç çagalara hemaýat bermek boýunça haýyr-sahawat gaznasynyň Awaza bölüminiň açylyş dabarasyna gatnaşdy
Dekabr aýynyň 9-na Türkmenistanyň Türkmebaşy şäherinde Gurbanguly Berdimuhammedow adyndaky Howandarlyga mätäç çagalara hemaýat bermek boýunça haýyr-sahawat Gaznasynyň Awaza bölümi açyldy.
Açylyş dabarasynda Geýdar Aliýew Gaznasynyň wise-prezidenti Leýla Aliýewa we Gurbanguly Berdimuhammedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň bejeriş işleri boýunça wise-prezidenti Oguljahan Atabaýewa gatnaşdylar.
Çärede çykyş eden Oguljahan Atabaýewa Gurbanguly Berdimuhammedowyň başlangyjy bilen döredilen Gaznasyň giň möçberli we netijeli işleri alyp barýandygyny belledi. “Gaznanyň döredilmegi her bir raýatyň haýyr-sahawat işlerine gatnaşmagyna mümkinçilik döretdi. Onuň kömegi bilen ýüzlerçe kyn lukmançylyk operasiýalary geçirildi we birnäçe lukmançylyk edaralary döwrebap enjamlar bilen üpjün edildi” diýdi.
Çagalara howandarlyk etmegiň döwlet syýasatynyň ileri tutulýan meseleleriniň biridigini bellän Oguljahan Atabaýewa, şahamçanyň çagalara ýokary hilli lukmançylyk kömek berilmegi bilen birlikde, olaryň dynç almagy we sagaldylmagy üçin hem şertleriň döredilýändigini aýtdy. Oguljahan Atabaýewa Birleşen Milletler Guramasynyň tagallalaryny, esasanam bütin dünýäde çagalaryň durmuşyny gowulandyrmaga gönükdirilen Durnukly Ösüş Maksatlaryny mundan beýläk-de işjeň goldamagyny dowam etdirjekdigini aýtdy.
Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň 2021-nji ýylda döredilendi. Edaranyň esasy maksady ýaş nesle goldaw bermek, olaryň ýaşaýyş durmuşy üçin amatly şertleri döretmek, howandarlyga mätäç çagalaryň saglygyny dikeltmäge kömek etmekdir. Häzirki güne çenli Gaznanyň serişdeleriniň kömegi bilen Türkmenistanda we beýleki ýurtlarda köp sanly haýyr-sahawat we ynsanperwer taslamalar amala aşyryldy. Gaznanyň ynsanperwerlik, adalat we hoşniýetlilik ýörelgelerine esaslanýan işleri döwlet tarapyndan hem goldanylýar. Gazna ynsanperwerlik wezipesini halkara derejesinde hem ýerine ýetirýär. BMG-niň Çagalar gaznasy UNICEF bilen hyzmatdaşlyk edýän Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasy şu wagta çenli Türkiýede, Ukrainada, Russiýada, Owganystanda, Täjigistanda we Palestinada adatdan daşary ýagdaýlardan we tebigy betbagtçylyklardan ejir çeken çagalara ynsanperwer kömek iberdi.
