Azerbaýjan kompaniýalary “Agro Pack Turkmenistan-2026” halkara sergisine gatnaşdylar
Aşgabadyň söwda-senagat palatasynyň sergi merkezinde “Agro Pack Turkmenistan-2026” atly halkara sergisiniň açylyşy boldy. Maý aýynyň 15-ne çenli dowam etjek sergide Türkmenistan kompaniýalary bilen bir hatarda dürli döwletleriň, şol sanda Azerbaýjanyň, Türkiýäniň, Özbegistanyň, Hytaýyň, ABŞ-nyň we Belarusyň oba hojalygy, azyk senagaty, gaplama we agro-senagat ugurlarynda iş alyp barýan kompaniýalary öz önümlerini tanyşdyrdylar.
Forumyň esasy maksady Türkmenistanda öndürilýän önümleri tanyşdyrmak bilen bir hatarda, oba hojalygy, azyk senagaty, gaplama we agro-senagat ugurlarynda ýöriteleşen ýerli we daşary ýurt kompaniýalarynyň arasynda işewürlik gatnaşyklaryny ýola goýmak, şeýle hem geljekki hyzmatdaşlyk mümkinçiliklerini ösdürmek.
Sergide ýurdumyzyň “Gozel Seed” we “Rusaroma” kompaniýalary “Made in Azerbaijan” atly brendi öndürýän önümlerini görkezýän stendleri bilen gatnaşdylar.
Türkmenistanyň Ministrler Kabinetiniň Başlygynyň orunbasary Nökerguly Atagulyýewiň ýolbaşçylygyndaky wekiliýet, Azerbaýjan Respublikasynyň Türkmenistandaky ilçisi Gismat Gozalow hem-de beýleki wekiller “Gozel Seed” we “Rusaroma” kompaniýalarynyň stendlerine baryp gördüler.
