Azerbaýjanyň prezidenti we Türkmenistan Halk Geňeşiniň başlygy Täze Şuşa metjidinde gurluşyk işleriniň gidişi bilen tanyş boldylar
Azerbaýjan Respublikasynyň Prezidenti Ylham Alyýew we Türkmenistanyň Halk Maslahatynyň başlygy Gurbanguly Berdimuhamedow Iýul aýynyň 17-ne Täze Şuşa metjidinde gurluşyk işleriniň gidişi bilen tanyş boldylar.
Prezidentiň kömekçisi Anar Alakbarow döwlet baştutanyna we Türkmenistanyň Halk Maslahatynyň başlygyna alnyp barylýan işler barada maglumat berdi.
2021-nji ýylda döwlet baştutany tarapyndan düýbi tutulan we simwoliki binagärlik çözgütli häsiýete eýe bolan metjidiň taryhy şäherde häzirki zaman binagärliginiň mysaly hökmünde saýlanjakdygy bellendi. Şeýlelik bilen, Prezident Ylham Alyýewiň görkezmesine görä, metjidiň görnüşi 8-lik belgini alamatlandyrar. Bu bolsa öz gezeginde Şuşanyň basybalyjylardan azat edilen gününi - Ýeňiş gününi alamatlandyrar. Metjidiň iki minarasy 11 belgili şekilde bolar. Bu bolsa Şuşanyň we Karabahyň basyp alyşdan ýylyň on birinji aýynda azat edilmeginiň nyşanydyr. Minaralarynyň beýikligi 72 metr boljak metjit Şuşanyň ýokarky böleginde gurulýar. Bu ybadat jaýynyň binasynyň daşky görnüşi Şuşanyň gadymy metjidiniň minaralarynda ulanylýan geometrik nagyşlar bilen bezeler. Häzirki wagtda işleriň 60 göteriminden gowragy tamamlandy. Metjidiň gurluşygy indiki ýyl tamamlak göz öňünde tutulýar.
