Azerbaýjan wekiliýeti Aşgabatta geçirilen BGG-niň sebitleýin okuw merkezleri boýunça seminara gatnaşdy
Türkmenistanyň paýtagty Aşgabat şäherinde “Sebitleýin okuw merkezleriniň sebitleýin arabaglanyşygy berkitmekdäki orny” atly halkara seminar geçirildi.
Bütindünýä Gümrük Guramasynyň Aşgabat şäherinde täze Sebitleýin Okuw Merkeziniň açylmagy mynasybetli guralan seminara Gruziýa, Gazagystan, Gyrgyz Respublikasy, Russiýa Federasiýasy, Täjigistan, Türkmenistan, Ýaponiýa we Wengriýanyň gümrük gulluklarynyň, şeýle hem halkara guramalaryň wekilleri gatnaşdylar.
Seminaryň çäklerinde BGG-niň sebitleýin okuw merkezleriniň mümkinçilikleri ösdürmekdäki orny, okuw we hünär taýdan ösüş ulgamlarynyň döwrebaplaşdyrylmagy, sebitleýin hyzmatdaşlyk mehanizmleriniň kämilleşdirilmegi we öňdebaryjy halkara tejribäniň paýlaşylmagy ýaly meseleler ara alnyp maslahatlaşyldy.
Şeýle hem sebitleýin okuw merkezleriniň institusional mümkinçilikleriniň giňeldilmegi, okuw maksatnamalarynyň täzelenmegi, bilim we tejribe alyş-çalşynyň güýçlendirilmegi, mundan başga-da işleriň sebitleýin derejede utgaşdyrylmagy bilen bagly pikir alyşmalar geçirildi, BGG-niň çemeleşmeleri, sebitleýin okuw modelleri we milli tejribeler boýunça tanyşdyrylyş çykyşlary görkezildi.
Çäräniň çarçuwasynda Azerbayjan we Türkmenistan gümrük gulluklarynyň wekilleriniň arasynda ikitaraplaýyn duşuşyk geçirildi. Duşuşykda iki edaranyň arasynda institusional hyzmatdaşlygy çuňlaşdyrmak, tejribe alyş-çalşygyny giňeltmek we özara hyzmatdaşlygy has ulgamlaýyn esasda ösdürmek, şeýle hem öňünden maglumat berilmegi esasynda çalt geçişi üpjün etmek ugurlarynda pikir alşyldy.
