Uzeýir Hajibeýliniň "Arşin Mal Alan" pýesasy Aşgabatda uly gyzyklanma bilen garşylandy
Türkmenistanyň paýtagty Aşgabatda A.S.Puşkin adyndaky Rus Drama Teatrynda ajaýyp kompozitor Uzeýir Hajybeýliniň ýatdan çykmajak "Arşin Mal Alan" eseriniň tomaşasy däp boýunça sahnalaşdyrylýar.
Türkmenistanda nusgawy Azerbaýjan däpleri ýaşamagyny dowam etdirýär. Aşgabatda A.S.Puşkin adyndaky Rus Drama Teatrynda bu ýyl Azerbaýjan Respublikasynyň Prezidentiniň Karary bilen ýurtda we bütindünýäde zehinli kompozitor Uzeýir Hajibeýliniň doglan gününiň 140 ýyllygy bellenilip geçilýän "Arşin mal alan" pýesasy teatr söýüjilerine gowuşdy.
Azerbaýjanyň nusgawy sazynyň merjeni hasaplanýan bu eser Aşgabat sahnasynda tomaşaçylar tarapyndan uly gyzyklanma we el çarpyşmalar bilen garşylandy. Tomaşa gatnaşyjy Azerbaýjanyň Türkmenistandaky Ilçihanasynyň işgärleri we olaryň maşgala agzalary spektaklyň ahyrynda sungat işgärleri bilen duşuşyp, gül desselerini gowşurdylar.
"Arşin Mal Alan" pýesasynyň Türkmenistanyň medeni durmuşynda aýratyn orny eýeleýändigi belläp geçirlýär. Bu tomaşa Aşgabadyň dürli teatrlarynda sahnalaşdyrylýar we 1980-nji ýyldan bäri bu eser A.S.Puşkin adyndaky Rus Drama Teatrynda yzygiderli tomaşa edilýär. Eser hem ýerli, hem-de daşary ýurtly tomaşaçylar tarapyndan uly gyzyklanma we hyjuw bilen tomaşa edilýär, teatr söýüjileri tarapyndan ýokary baha berilýär.
