UNEC bilen Türkmenistanyň iki ýokary okuw jaýynyň arasynda hyzmatdaşlyk memorandumyna gol çekildi
Azerbaýjan Döwlet Ykdysadyýet Uniwersiteti (UNEC) bilen Türkmenistanyň iki ýokary okuw jaýynyň - Türkmen Döwlet Ykdysadyýet we Dolandyryş Instituty bilen Türkmen Döwlet Maliýe Institutynyň arasynda hyzmatdaşlyk memorandumy gol çekildi.
Onlaýn formatda geçirilen gol çekişlik dabarasynda resminamalara UNEC-iň rektory, profesor Adalat Muradow, Türkmen Döwlet Ykdysadyýet we Dolandyryş Institutynyň rektory Aknabat Atabaýewa we Türkmen Döwlet Maliýe Institutynyň rektory Baýram Taňryberdiýew gol çekdiler.
Memoranduma laýyklykda taraplar arasynda bilelikde gözleg we okuw meýilnamalaryny durmuşa geçirmek, pedagogiki we dolandyryş işgärleri, şeýle hem talyplar bilen alyş-çalyş etmek, bilim prosesinde we dolandyryşda öňdebaryjy tejribäni paýlaşmak, umumy taslamalary durmuşa geçirmek we akademiki gatnaşyklary giňeltmek göz öňünde tutulýar.
