Prezident Ylham Aliýew Türkmenistanyň Prezidenti Serdar Berdimuhamedowy gutlady
Onuň Alyhezretleri Türkmenistanyň Prezidenti jenap Serdar Berdimuhamedowa
Hormatly Serdar Gurbangulyýewiç,
Türkmenistanyň hemişelik Bitaraplygynyň ykrar edilmeginiň 30 ýyllygy bilen Sizi we dogan halkyňyzy tüýs ýürekden gutlaýaryn.
1995-nji ýylyň dekabr 12-ne 185 ýurduň biragyzdan goldamagy bilen BMG-niň Baş Assambleýasynyň Türkmenistanyň hemişelik Bitaraplyk derejesini ykrar edýän kararynyň kabul edilmegi ýurduňyzyň taryhyna altyn harplar bilen ýazylan möhüm waka boldy. Bitaraplyk syýasatyny alyp barýan ýurduňyz geçen döwürde ähli ugurlarda çalt depginde ösmek bilen ähmiýetli üstünliklere ýetdi.
Türkmenistanyň Bitaraplyk statusy parahatçylyk söýüjilik, gepleşikler we özara hormat goýmak ýörelgelerine esaslanýan halkyňyzyň taryhy mirasyna we däp-dessurlaryna esaslanýar. Häzirki wagtda Türkmenistanyň hemişelik Bitaraplyk syýasaty sebitde we global derejede parahatçylygy we howpsuzlygy berkitmekde möhüm rol oýnaýar.
Biz ýurduňyzyň Bitaraplyk syýasatyna hemişe hormat goýýarys. Hut şu sebäpden Azerbaýjan Respublikasy hem 1995-nji, hem-de 2015-nji ýyllarda BMG-niň Baş Assambleýasynyň siziň ýurduňyzyň Bitaraplyk statusy baradaky degişli kararlarynyň awtordaşy boldy.
Men dogan halklarymyzyň isleginden gelip çykýan Azerbaýjan-Türkmenistan döwletara gatnaşyklarynyň ýagşy däplerini gorap saklamak we berkitmek, strategik hyzmatdaşlygymyzy çuňlaşdyrmak ugrunda bilelikdäki tagallalarymyzy mundan beýläk-de dowam etdirjekdigimize ynanýaryn.
Şeýle alamatdar günde Size iň gowy arzuwlarymy aýdýaryn we Türkmenistanyň dogan halkyna bolsa hemişelik parahatçylyk we gülläp ösüş arzuw edýärin.
Hormatlamak bilen,
Ylham Alyýew
Baku şäheri, 2025-nji ýylyň “11” dekabry