Prezident Ylham Alyýew we Türkmenistanyň Halk Maslahatynyň başlygy Gurbanguly Berdimuhamedow Füzuli şäheriniň weýran bolan ýerlerine syn etdiler
Iýul aýynyň 19-na Azerbaýjan Respublikasynyň Prezidenti Ylham Alyýew we Türkmenistanyň Halk Maslahatynyň başlygy Gurbanguly Berdimuhamedow Füzuli şäheriniň weýran edilen ýerlerine syn etdiler.
Hormatly myhman şäheriň Baş meýilnamasy bilen tanyş boldy.
Agdam, Füzuli we Hojawend sebitlerindäki Azerbaýjan Respublikasynyň Prezidentiniň ýörite wekili Emin Huseýnow, Gurbanguly Berdimuhamedowa 30 ýyllyk basybalyjylyk döwründe Füzuli sebitiniň çäginde ýok edilen weýrançylyklar,wagşyçylyklar, şeýle hem şäheriň Baş meýilnamasyna laýyklykda durmuşa geçirilen we edilmeli işler barada maglumat berdi.
Bir wagtlar gür ilatly we gülläp ösen Füzuli şäheri ermeni basyp alyş döwründe bütinleý talanyp, weýran edildi. Topraklarymyz basyp alyşdan azat edilenden soň, gysga wagtyň içinde Füzuli şäheriniň Baş Meýilnamasy Işlenip düzülip, Prezident Ylham Alyýew tarapyndan tassyklandy we 2021-nji ýylda halkyň hyzmatyna hödürlendi. Uly ulag we logistika potensialyna eýe bolan Füzuli, Karabah we Gündogar Zangezur ykdysady sebitleriniň esasy transport arteriýalarynyň kesişmesinde ýerleşýär. Füzuli şäheriniň umumy meýdany takmynan 1,942 gektardyr. Baş meýilnama laýyklykda, 2040-njy ýyla çenli şäherde 50 müň adamyň ýaşamagy göz öňünde tutulýar. Füzulide Basyp alyş we Yeňiş muzeýlerini öz içine aljak Füzuli Ýadygärlik Toplumy dörediler, Kurmangazy adyndaky Döredijilik Merkezi, şäher hassahanasy, Şäher Seýilgähi gurlar we giň abadanlaşdyryş we ýaşyllyga öwürmek işler amala aşyrylar. Baş meýilnama laýyklykda, çagalar baglary we mekdepler ýaly jemgyýetçilik gurluşyk desgalary 300 we 500 metr aralykda ýerleşer. Meýilleşdirilýän işleriň netijesinde häzirki zaman ülňülerine we binagärlik aýratynlyklaryna laýyklykda guruljak Füzuli şäheri azat edilen sebitleriň iň uly şäherleriniň birine öwrüler. Bu ýerde "Akylly şäher" konsepsiýasy ulanylar. Füzuli şäheriniň 12 gektardan gowrak meýdany tutjak dolandyryş merkezi bolsa 3 bölege bölüner.
