Milli Mejlisiň başlygy Sahiba Gafarowa Türkmenistanyň Halk Maslahatynyň başlygy bilen duşuşdy
Türkmenistanyň Halk Maslahatynyň başlygy Gurbanguly Berdimuhamedowyň ýolbaşçylygynda delegasiýa iýul aýynyň 16-na Milli Mejlise bardylar.
Halk Maslahatynyň başlygy ilki bilen Milli Mejlisiň umumy mejlisler zaly bilen tanyşdy. Beýik Lider Geýdar Aliýewiň adyndaky ýadygärlik zalyna gelen myhmanlar Azerbaýjan halkynyň Umumymilli Lideri Geýdar Aliýewiň durmuşynyň we syýasy işjeňliginiň dürli döwürlerini şöhlelendirýän eksponatlara syn etdiler. Türkmenistanyň Halk Maslahatynyň başlygy Gurbanguly Berdimuhamedow bu ýerdäki Hatyra kitabyna ýazgy ýazdy.
Soňra giňeldilen görnüşde ýygnak geçirildi.
Milli Mejlisiň başlygy Sahiba Gafarowa bu saparyň biziň ýurtlarymyzyň arasyndaky gatnaşyklary ösdürmek we pugtalandyrmak işine hyzmat etjekdigine ynanýandygyny aýtdy.
Gafarowa halkalrymyzyň umumy taryhy, medeni, dil, dini we maşgala gymmatlyklarynyň, meňzeşliginiň ýurtlarymyzyň arasyndaky gatnaşyklaryň binýadyny düzýändigini belledi. Garaşsyzlyk gazanylandan soň bu berk binýatda ýurtlarymyzyň arasynda giň gatnaşyklar ýola goýuldy.
Döwletara gatnaşyklary pugtalandyrmakda we çuňlaşdyrmakda özara saparlaryň we ýokary derejeli ýygnaklaryň aýratyn rol oýnaýandygy bellenildi.
Azerbaýjan we Türkmenistan birnäçe halkara guramalarynda üstünlikli hyzmatdaşlyk edýändigi bellenip geçildi. Türkmenistan tarapynyň Azerbaýjanyň Goşulmazlyk Hereketiniň başlygy hökmünde başlangyçlaryna yzygiderli goldawynyň ýokary baha berilýändigini aýratyn belläp geçdi.
Azerbaýjan we Türkmenistan arasyndaky ykdysady ugurda hyzmatdaşlygy has hem pugtalandyrmak üçin berk binýatda eýedir, energetika, ulag we beýleki ugurlardaky hyzmatdaşlyk üstünlikli ösýär. Munuň bilen birlikde, biziň ýurtlarymyzyň arasyndaky gumanitar hyzmatdaşlygy aýratyn many we häsiýete eýedir.
Azerbaýjan we Türkmenistan parlamentleriniň işleri barada çykyş eden Gafarowa, özara saparlaryň, mejlis başlyklarynyň we kanun çykaryjylaryň duşuşyklary bu hyzmatdaşlyga möhüm itergi berýändigini aýtdy. Parlamentara gatnaşyklaryň esasynda dostlukly toparlarynyň bilelikdäki işleri we hyzmatdaşlygy bilen parlamentleriň arasynda köpri roluny ýerine ýetirýär.
Iki ýurduň parlamentarileriniň hem ikitaraplaýyn görnüşde, hem-de parlamentlararasy gurluşlaryň çäginde özara işjeňligini giňeldilmegi Azerbaýjan we Türkmenistan arasyndaky gatnaşyklaryň öňkiden hem intensiwleşdirmäge itergi beriljekdigi bellenildi.
Ýurdumyza eden saparyndan hoşallygyny bildiren Türkmenistanyň Halk Maslahatynyň başlygy Gurbanguly Berdimuhamedow öz çykyşynda Prezident Ylham Alyýew bilen bolan duşuşygynyň we söhbetdeşliginiň onda ýokary täsir galdyrandygy barada paýlaşdy.
Halklarymyzyň we döwletlerimiziň türk maşgalasynyň agzalary hökmünde dünýä syýasatyna goşan goşandy barada durup geçen myhman, COP29-yň Azerbaýjanda ýokary derejede geçirilmegi we möhüm meseleleriň maslahatlaryň üstünlikli tamamlanmagy bilen gutlady.
Sebit meseleleri, gender meseleleri, ýaşlar syýasaty, ykdysady gatnaşyklar, Hökümetara komissiýanyň işi, parlament diplomatiýasy, parlamentara diaolog we beýleki temalar barada öz pikirleri bilen paýlaşdy.
Duşuşykda özara gyzyklanma döreden beýleki meseleler barada hem pikir alyşyldy.
