Azerbaýjanyň at gazanan artisti, Türkmenistanda geçirilen halkara çärede biziň ýurdumyza wekilçilik etdi
Azerbaýjan Respublikasynyň at gazanan artisti Saida Şerifaliýewa Türkmenistanyň paýtagty Aşgabatda geçirilen "Parahatçylyk sazy" halkara festiwalynda biziň ýurdumyza wekilçilik etdi.
Türkmenistanyň Medeniýet Ministrligi tarapyndan guranlan we Azerbaýjanyň Türkmenistandaky Ilçihanasy tarapyndan goldalynan, biziň ýurdumyzdan hem wekilçilik edilen bu abraýly çäre, nusgawy aýdym-saz pudagynda dürli milli aýdym-saz mekdeplere wekilçilik edýän ýerine ýetirijileriň arasynda döredijilik gatnaşyklaryny ýola goýmaklygy, halkara hyzmatdaşlygyny giňeltmekligi we nusgawy saz sungatyny ösdürmekligi maksat edinýär.
Çärä opera aýdymçylary, nusgawy saz gurallaryny çalyjylar, şeýle hem trio, kwartet we kwintetden ybarat aýdym-saz toparlary gatnaşdy.
Azerbaýjana mynasyp wekilçilik eden Saida Şerifaliýewanyň çykyşy, çärä gatnaşyjylar we guramaçylar tarapyndan uly gyzyklanma we duýgudaşlyk bilen garşylandy.
Onuň ýerine ýetirmeginde seslendirilen nusgawy aýdym-saz nusgalary Azerbaýjanyň baý medeniýetini we aýdym-saz däplerini görkezip, ýurdumyzyň inçe sungat pudagyndaky uly mümkinçilikleriniň bardygyny ýene bir gezek mälim etdi.
Şeýle hem, ýerine ýetiriji Azerbaýjan Prezidentiniň Karary bilen ýurdumyzda we bütin dünýäde doglan gününiň 140 ýyllygy bellenilýän beýik kompozitor Uzeýir Hajibeýliniň eserleri bilen görkezilen nusgalar tomaşaçylar tarapyndan aýratyn gyzyklanma bilen garşylandy.
At gazanan artist Saida Şerifaliýewanyň ýerine ýetirmeginde seslendirilen Uzeýir Hajibeýliniň “Arşin Mal Alan” operasyndan “Gülçohranyň ariýasy” we Türkmenistanyň meşhur wokalisti Mansur Şerifow bilen birlikde ýerine ýetirilen “Asker we Gülçohra” dueti has uly gyzyklanma bilen garşylandy.
Konsert muştaklarynyň arasynda bolan Azerbaýjanyň Türkmenistandaky Ilçihanasynyň işgärleri we maşgala agzalary çäräniň ahyrynda Saida Şerifaliýewa bilen duşuşyp, oňa gül desselerini gowşurdylar.
