Türkmenistanyň Halk Maslahatynyň başlygynyň gyzy Oguljahan Atabaýewa Baku Kitap Merkezine baryp gördi
Türkmenistanyň Halk Maslahatynyň başlygy Gurbanguly Berdimuhamedowyň gyzy Oguljahan Atabaýewa we Geýdar Aliýew Gaznasynyň wise-prezidenti Leýla Aliýewa iýul aýynyň 16-na Baku Kitap Merkezine baryp gördüler. Baku Kitap Merkeziniň müdiri Günel Rzaýewa myhmana merkez barada maglumat berdi.
Baku Kitap Merkezi 2018-nji ýyldan bäri resmi taýdan işleýändigi bellendi. Geýdar Alyýew Gaznasynyň başlangyjy we goldawy bilen döredilen Merkez kitap satuwyna täzeçe çemeleşýär, azerbaýjan, rus, türk, iňlis we beýleki dillerde dürli žanrlarda kitaplary hödürleýär. Meýdany 2500 inedördül metr bolan Merkeziň 1-nji we 2-nji gatynda Geýdar Alyýew Gaznasynyň neşirleri görkezilýär. Birinji gat, şeýle hem "I Love Baku" brendiniň, "Azərpoçt" ÇJK-niň (LLC) önümlerinden, azerbaýjan dilinde we daşary ýurt dillerinde dünýäde iň köp satylýan kitaplardan, nusgawy edebiýatlardan, çeper eserlerden, inçe sungat albomlaryndan, syýahatçylyk gollanmalaryndan, kanselýariýa we sowgatlardan ybarat. Kitap satuwyndan başga-da, birinji gatda "Coffeemood" atly kafe işleýär.
Merkeziň ikinji gatynda okalga zalyň, görüji pes adamlar üçin ýörite bölümiň, çagalar üçin bölegiň, dürli çäreleri geçirmek üçin niýetlenen ýerleriň we ylmy işler bilen meşgullanýanlar üçin göz öňünde tutulan ýerleriň bardygy bellendi.
Baku Kitap Merkezinde kitap söýüjileriň boş wagtlaryny netijeli geçirmek üçin goşmaça mümkinçilikler hem bar. Bu ýerde dürli kitap prezentasiýalary, medeni we sungat işgärleri bilen duşuşyklar, gol çekiş sagatlary, çagalar üçin "Okamak" sagatlary we döredijilik toparlary, halkara guramalary, şeýle hem daşary ýurt ilçihanalary bilen bilelikde gurnalýan çäreler yzygiderli geçirilýär. Dürli ýerlerde gurnalan monitorlarda täze kitaplar baradaky maglumatlar görkezilýär. Sensor ekranlar arkaly Merkezde bar bolan kitaplaryň hemmesi barada maglumat alyp bolýar.
Baku Kitap Merkeziniň adyndan Oguljahan Atabaýewa ýadygärlik sowgady gowşuryldy.
