Azerbaýjan, Türkmenistan we Özbegistan liderleriniň gatnaşmagynda Türkmenbaşy şäherinde resminama gol çekişlik dabarasy geçirildi.
Awgust aýynyň 22-ne Türkmenbaşy şäherinde Azerbaýjan Respublikasynyň Prezidenti Ylham Alyýewiň, Türkmenistanyň Halk Maslahatynyň başlygy Gurbanguly Berdimuhamedowyň we Özbegistan Respublikasynyň Prezidenti Şawkat Mirziýoýewiň gatnaşmaklarynda resminama gol çekişme dabarasy geçirildi.
Azerbaýjan Respublikasynyň Prezidenti Ylham Alyýew, Türkmen halkynyň Milli Lideri, Türkmenistan Halk Maslahatynyň başlygy Gurbanguly Berdimuhamedow we Özbegistan Respublikasynyň Prezidenti Şawkat Mirziýoýew "Azerbaýjan Respublikasy, Türkmenistan we Özbegistan Respublikasynyň Bilelikdäki Beýannamasyny" kabul etdiler.
"Azerbaýjan Respublikasynyň Sanly Ösüş we Ulag Ministrligi bilen “Türkmenhowaýollary” Döwlet Gullugynyň arasyndaky halkara howa gatnaşyklarynyň geljekdäki ösüşi barada özara Düşünişmek Memorandumyna" Azerbaýjan Respublikasynyň Daşary işler ministri Jeýhun Baýramow we Türkmenhowaýollary” Döwlet Gullugynyň başlygy Döwran Saburow gol çekdiler.
"Füzuli şäheri (Azerbaýjan Respublikasy) bilen Arkadag şäheriniň (Türkmenistan) arasynda doganlyk gatnaşyklary ýola goýmak baradaky Teswirnama" Azerbaýjan Respublikasynyň Daşary işler ministri Jeýhun Baýramow we Türkmenistanyň Prezidentiniň ýanyndaky Arkadag şäheriniň gurluşyk boýunça Döwlet Komitetiniň başlygy Derýageldi Orazow tarapyndan gol çekildi.
"Azerbaýjan Respublikasynyň Sanly Ösüş we Ulag Ministrligi, Türkmenistanyň Demir ýol ulaglary ministrligi bilen Özbegistan Respublikasynyň Transport ministrligi arasynda ulag we logistika hyzmatdaşlygy pudagyndaky özara Düşünişmek Memorandumyna "Azerbaýjan Demir Ýollarynyň" ÝGPJ-niň başlygy Röwşen Rüstemow, Türkmenistanyň Demir ýol ulaglary ministri Mämmet Akmämmedow gol çekdi we Özbegistan Respublikasynyň ulag ministri Ilhom Mahkamow gol çekdiler.
