Azerbaýjan Respublikasynyň Prezidenti Ylham Alyýew Türkmenistanyň Halk Maslahatynyň başlygy Gurbanguly Berdimuhamedowa jaň etdi
Awgust aýynyň 10-na Azerbaýjan Respublikasynyň Prezidenti Ylham Alyýew Türkmenistanyň Halk Maslahatynyň başlygy Gurbanguly Berdimuhamedowa jeň etdi.
Telefon söhbetdeşliginiň dowamynda Gurbanguly Berdimuhamedowyň Azerbaýjana eden soňky sapary, şeýle hem Karabah sapary we onuň çäginde geçirilen ara alyp maslahatlaşmalar kanagatlanma bilen ýatlandy.
Prezident Ylham Alyýew we Türkmenistanyň Halk Maslahatynyň başlygy Gurbanguly Berdimuhamedow ýurtlarymyzyň arasyndaky dostlukly we doganlyk gatnaşyklaryň ösmegi barada durup geçdi.
Telefon söhbetdeşligiň dowamynda Türkmenistanyň Awaza şäherinde geçirilen BMG-nyň Deňze Çykalgasy Bolmadyk Ösüp Barýan Ýurtlar boýunça III Maslahatynyň ähmiýeti bellendi. Döwlet baştutany, bu çäräniň üstünlikli gurulmagy bilen Gurbanguly Berdimuhamedowy gutlady.
Prezident Ylham Alyýewiň ABŞ-a eden saparynyň çäginde gol çekilen resminamalaryň ähmiýeti, hususan-da Azerbaýjanyň Prezidenti we Ermenistanyň Premýer-ministri tarapyndan Amerikanyň Birleşen Ştatlarynyň Prezidentiniň şaýatlygynda gol çekilen jarnamanyň ähmiýeti, Azerbaýjan bilen Ermenistanyň arasynda parahatçylyk we döwletara gatnaşyklary ýola goýmak baradaky Şertnamanyň başlamagy we ÝHGG-niň Minsk toparynyň dargamagy baradaky bilelikdäki ýüzlenmäniň sebitde dowamly parahatçylygy we durnuklylygy üpjün etmek meselesiniň ähmiýetine ünsi çekdi.
Bu netijeleri gazanmakda ABŞ-niň Prezidenti Donald Trumpyň aýratyn ornuny belläp, döwlet baştutany Azerbaýjanyň esasy bölegi bilen onuň Nahçiwan sebitiniň arasynda baglanyşyk gurmaga hyzmat etjek päsgelçiliksiz ulag birikmesiniň tutuş sebitiň gülläp ösmegine goşant goşjakdygyna ynam bildirdi.
Türkmenistanyň Halk Maslahatynyň başlygy, ylalaşylan taryhy şertnamalar mynasybetli döwlet baştutanyny we Azerbaýjanyň halkyny gutlady.
Prezident Ylham Alyýew salamlaryny Türkmenistanyň Prezidenti Serdar Berdimuhamedowa ýetirmeklerini haýyş etdi.
Gurbanguly Berdimuhamedow hem, Türkmenistanyň Prezidenti Serdar Berdimuhamedowyň salamlaryny we gutlaglaryny döwlet baştutanyna ýetirdi.
Telefon söhbetdeşliginiň dowamynda geljekdäki aragatnaşyklar bilen bagly pikir alyşyldy.