Ashgabattimes portaly Azerbaýjan.Travel platformasy barada makala çap etdi
Türkmenistanyň ashgabattimes.com portaly Azerbaýjanyň syýahatçylyk mümkinçiliklerini görkezýän Azerbaýjan.Travel platformasy barada makala çap etdi.
Türkmen, ıňlis we rus dillerinde neşir edilen bu materialda Azerbaijan.Travel platformasy barada giňişleýin maglumat berildi. Azerbaýjanyň syýahatçylyk mümkinçilikleri, ugurlary, taryhy, syýahatçylyk ýerleri hakynda maglumat berildi. Şol bir wagtyň özünde, ashgabattimes.com portalynyň baş sahypasyna Azerbaijan.Travel syýahatçylyk saýtynyň banneri ýerleşdirildi we giperlink hökmünde görkezildi.
Makalada Azerbaijan.Travel platformasynyň syýahatçylara Azerbaýjanyň baý taryhy, medeniýeti, tebigaty we syýahatçylyk ýerleri hakynda giöişleýin maglumat berilýändigi bellenildi. Portalda Baku şäheriniň özboluşly binagärçiligi, taryhy we medeniýeti bilen tanyşdyrýan “Baku şäheri” bölümi aýratyn ünsi çekýär. Içerişäher we Gobustan ýaly ÝUNESKO-nyň Bütindünýä Mirasynyň Sanawyna degişli bolan ýerler, şeýle hem Göýgöl köli ýaly tebigatyň merjenleri, gyş syýahatçylygy barada giňişleýin maglumatlary öz içine alýar. Mundan başga-da platformada Lahij sebitindäki ýerli senetçilik we gadymy medeniýet bilen tanyşmak mümkinçiligini hem döredýär.
Şol bir wagtyň özünde, materialda Azerbaijan.Travel portalynyň Azerbaýjanyň beýleki syýahatçylyk sebitlerini we däp-dessurlaryny tanatýan bölümlere hem baýdygyny mälim edildi. Saýt syýahatçylara syýahatlaryny meýilnamalaşdyrmak, şeýle hem myhmanhanalar, restoranlar we ýerli hyzmatlar hakynda peýdaly mümkinçilikleri berýär. Bu syýahatçylyk platformasy diňe bir Azerbaýjanyň tebigy we medeni baýlyklaryny tanyşdyrmak bilen çäklenmän, eýsem syýahatçylara rahat we ajaýyp bir syýahat tejribe gazanmagy üçin möhüm maglumatlary berýär. Şeýle hem, bu platforma, Azerbaýjanyň baý däp-dessurlaryny we medeni mirasyny bütin dünýäde tanatmagy maksat edinýär.
Mundan başga-da, makalada Türkmenistanyň raýatlarynyň Azerbaýjana syýahat etmek yzygiderligini, şol sanda Türkmenistandaky Ilçihanamyzdan wiza almak we ASAN Viza hyzmaty arkaly elektron wiza almak mümkinçiligi hakynda aýdyň maglumat berilýär.