Wizanyň kesgitlemesi, görnüşleri, kategoriýalary we maksady
Kesgitleme
Wiza – bu bir ýurda baran daşary ýurt raýaty üçin wiza talaplar esasynda görkezilen döwürde girmegi, wagtlaýyn bolmagy we şol döwürde serhet geçelgelerinden geçip, ýurdy terk etmegi üçin kanuny esas berýän resmi resminamdyr.
Görnüşleri
Wizanyň 2 görnüşi, ýagny Azerbaýjan Respublikasyna gelýän daşary ýurtlular we raýatlygy bolmadyk adamlar üçin giriş wizasy (bir we köp gezek), üstaşyr wizasy (bir we iki gezek) aşakdaky ýagdaýda hereket edýär:
- Bir gezek giriş wizasy - bu görnüşli wizanyň hereket ediş möhleti 90 güne çenli dowam edýär we bu döwürde diňe bir giriş-çykmaga mümkinçilik berilýär.
- Köp gezek giriş wizasy - bu wizanyň möhleti 2 ýyllyk bolup, adama degişli döwürde bir ýurda birnäçe gezek girmäge mümkinçilik berilýär.
- Bir ýa-da iki gezek üstaşyr wizasy - daşary ýurtlulara we raýatlygy bolmadyk adamlara Azerbaýjan respublikasynyň çäginden üçünji bir ýurda üstaşyr geçmegine rugsat berilýär. Üstaşyr wizasynyň hereket ediş möhleti 30 gün bolup, bir ýurtda galmagyň möhleti 5 günlük berilýär. Üstaşyr wizasy howa, suw, demir ýol we beýleki ulag serişdeleri arkaly gatnaw ýoluny we oňa sarp edilen wagty göz öňünde tutup berilýär.
Wizanyň ýurtda galmak üçin hereket edýän döwri şol wizada görkezilen möhletiň dowamynda işjeňdir. Bu döwürde ulanylmadyk wiza öz güýjüni ýitirýär.
Kategoriýalar we maksatlar
Giriş wizasy üç kategoriýadan ybarat - diplomatik, hyzmat we adaty.
- Diplomatik we hyzmat giriş wizalary - diňe resmi maksatlar üçin Azerbaýjan Respublikasyna gelýän daşary ýurtlulara we raýatlygy bolmadyk adamlara berilýär.
- Adaty giriş wizasy - daşary ýurtlulara we raýatlygy bolmadyk adamlara Azerbaýjan Respublikasyna aşakdaky maksatlar bilen gitmekleri üçin berilip bilner:
- Iş sapary;
- Ylym we bilim;
- Işlemek;
- Syýahatçylyk;
- Medeniýet we sport;
- Ynsanperwerlik;
- Şahsy syýahat;
- Lukmançylyk bejergisi;
Üns beriň! Azerbaýjan Respublikasynda 15 günden köp wagtlyk galýan daşary ýurtlylar ýa-da raýatlygy bolmadyk adamlar ýaşaýan ýerinde hasaba alynmalydyrlar.