AZƏRBAYCAN - TÜRKMƏNİSTAN MÜNASİBƏTLƏRİ
Diplomatik münasibətlərin qurulması:
Azərbaycan Respublikası ilə Türkmənistan arasında diplomatik əlaqələr 9 iyun 1992-ci ildə qurulmuşdur. 2022-ci ildə iki ölkə arasında diplomatik əlaqələrin qurulmasının 30 illiyi qeyd olunmuşdur.
Səfirliklərin fəaliyyəti:
18 oktyabr 2002-ci ildə Azərbaycan Respublikasının Türkmənistanda Səfirliyi fəaliyyətə başlamışdır. 8 iyun 1999-cu ildə isə Türkmənistanın Azərbaycan Respublikasındakı Səfirliyi fəaliyyətə başlamışdır.
Azərbaycan Respublikasının Prezidentinin 29 avqust 2023-cü il tarixli Sərəncamı ilə Qismət Gözəlov Azərbaycan Respublikasının Türkmənistanda fövqəladə və səlahiyyətli səfiri təyin olunmuşdur, etimadnaməsini 4 oktyabr 2023-cü ildə Türkmənistan Prezidentinə təqdim etmişdir.
Türkmənistan Prezidentinin 7 iyul 2022-ci il tarixli Sərəncamı ilə Qurbanməmmet Elyasov Türkmənistanın Azərbaycan Respublikasında fövqəladə və səlahiyyətli səfiri təyin edilmiş, etimadnaməsini 16 avqust 2022-ci ildə Azərbaycan Respublikası Prezidentinə təqdim etmişdir.
Siyasi əlaqələr:
11 mart 2017-ci ildə “Azərbaycan Respublikası ilə Türkmənistan arasında Strateji tərəfdaşlıq haqqında Bəyannamə” imzalanmışdır.
Ali və yüksək səviyyəli səfərlər-görüşlər:
Azərbaycan Respublikası Prezidentlərinin Türkmənistana səfərləri;
Ümummilli Lider Heydər Əliyev:
23-24 dekabr 1993-cü il-MDB-yə üzv ölkələrin dövlət başçılarının Zirvə toplantısı
26-27 oktyabr 1994-cü il-Türkmənistanın Müstəqillik günü münasibətilə tədbirlər
13-14 may 1996-cı il-İqtisadi Əməkdaşlıq Təşkilatının IV Zirvə toplantısı
23-25 aprel 2002-ci il-Xəzəryanı ölkələrin dövlət başçılarının Zirvə toplantısı
İlham Əliyev:
28-29 noyabr 2008-ci il-Rəsmi səfər
29 noyabr 2008-ci il-Azərbaycan, Türkmənistan və Türkiyə Prezidentləri arasında görüş
21-22 noyabr 2018-ci il-Rəsmi səfər
11 oktyabr 2019-cu il- İşgüzar səfər: MDB Dövlət Başçıları Sammiti
28 noyabr 2021-ci il-İşgüzar səfər: İƏT-in 15-ci sammiti
29 iyun 2022-ci il-İşgüzar səfər: Xəzəryanı Dövlətlərin Dövlət Başçılarının VI Toplantısı
14 dekabr 2022-ci il-İşgüzar səfər: Azərbaycan Respublikası, Türkiyə Respublikası və Türkmənistan Dövlət Başçılarının Birinci Üçtərəfli Zirvə Görüşü
Türkmənistan Prezidentlərinin Azərbaycan Respublikasına səfərləri:
Saparmurat Niyazov;
18-19 mart 1996-cı il-Rəsmi səfər
Qurbanqulı Berdiməhəmmədov;
19-20 may 2008-ci il-Rəsmi səfər
18 noyabr 2010-cu il-İşgüzar səfər: Xəzəryanı Ölkələrin Dövlət Başçılarının Üçüncü Zirvə toplantısı
12 iyun 2015-ci il-İşgüzar səfər: “Bakı 2015” Birinci Avropa Oyunlarının Açılış Mərasimi
8-9 avqust 2017-ci il-Rəsmi səfər
25-26 oktyabr 2019-cu il-İşgüzar səfər: Qoşulmama Hərəkatının Zirvə Toplantısı
11 mart 2020-ci il-Rəsmi səfər
Sərdar Berdiməhəmmədov;
2 mart 2023-cü il-İşgüzar səfər: Qoşulmama Hərəkatının COVID-19-a Qarşı Mübarizə üzrə Təmas Qrupunun Zirvə görüşü
Azərbaycan Respublikasının Baş nazirlərinin Türkmənistana səfərləri:
Artur Rasi-zadə;
24 dekabr 2006-cı il-Türkmənistan Prezidenti S.Niyazovun dəfn mərasimi
14 fevral 2007-ci il -Türkmənistan Prezidenti Q.Berdiməhəmmədovun andiçmə mərasimi
22 noyabr 2007-ci il-MDB-yə üzv ölkələrin Hökumət Başçıları Şurasının iclası
5 dekabr 2012-ci il-MDB Dövlət Başçıları Şurasının iclası
Novruz Məmmədov;
30-31 may 2019-cu il-MDB-yə üzv ölkələr Hökumət Başçıları Şurasının iclası
12 avqust 2019-cu il-Birinci Xəzər İqtisadi Forumu
Azərbaycan Respublikasının Parlament Sədrlərinin Türkmənistana səfərləri
Oqtay Əsədov;
12 dekabr 2015-ci il-Türkmənistanın Daimi Bitərəfliyinin 20 İlliyinə Həsr Olunmuş Beynəlxalq Konfrans
17 sentyabr 2017-ci il-Qapalı Məkanlarda Döyüş Sənəti Üzrə Asiya Oyunlarının Açılış Mərasimi
Sahibə Qafarova;
7-8 dekabr 2022-ci il-Rəsmi səfər
Türkmənistanın Parlament Sədrlərinin Azərbaycan Respublikasına səfərləri:
Sahat Muradov;
8-9 aprel 2000-ci il-Türkdilli Ölkələrin Dövlət Başçılarının Altıncı Zirvə Toplantısı və “Kitabi-Dədə Qorqud” Dastanının 1300 İllik Yubileyi
Akca Nurberdiyeva;
18-20 iyun 2008-ci il-Azərbaycan Parlamentinin 90 İllik Yubileyinə Həsr Olunmuş Tədbirlər
Gülşat Məmmədova;
4-5 noyabr 2019-cu il-Rəsmi səfər
30 iyun 2022-ci il-İşgüzar səfər
Azərbaycan Respublikası xarici işlər nazirlərinin Türkmənistana səfərləri:
Həsən Həsənov ;
5 fevral 1998-ci il-Xəzər dənizinin orta xətt koordinatları üzrə Azərbaycan Respublikası ilə Türkmənistan arasında danışıqların aparılması üçün yaradılmış ekspertlər qrupunun iclası
Elmar Məmmədyarov;
23 may 2007-ci il-Rəsmi səfər
11 dekabr 2010-cu il-Türkmənistanın bitərəfliyinin 15 illiyinə həsr olunmuş “beynəlxalq konfrans”
29 yanvar 2015-ci il-Azərbaycan, Türkiyə və Türkmənistan xarici işlər nazirlərinin İkinci üçtərəfli görüşü
31 yanvar 2018-ci il-Rəsmi səfər
Ceyhun Bayramov;
21 yanvar 2021-ci il-Rəsmi səfər
27 noyabr 2021-ci il-İşgüzar səfər, İƏT XİNŞ 25-ci iclası
Türkmənistanın xarici işlər nazirlərinin Azərbaycan Respublikasına səfərləri:
Boris Şıxmuradov;
30 mart 1998-ci il-Xəzər dənizinin orta xətt koordinatları üzrə Azərbaycan Respublikası ilə Türkmənistan arasında danışıqların aparılması üçün yaradılmış ekspertlər qrupunun iclası
8 may 1998-ci il-AR Prezidenti Heydər Əliyevin 75 illik yubileyi
18-21 may 1999-cu il-İqtisadi Əməkdaşlıq Təşkilatı Nazirlər Şurasının IX iclası
Rəşid Meredov ;
5 mart 2008-ci il-İşgüzar səfər
2-3 aprel 2014-cü il-Rəsmi səfər
25-26 may 2014-cü il-Azərbaycan, Türkiyə və Türkmənistan xarici işlər nazirlərinin Birinci üçtərəfli görüşü
18 oktyabr 2018-ci il-AR və Türkmənistan XİN rəhbərləri səviyyəsində məsləhətləşmələr
5 dekabr 2022-ci il-İşgüzar səfər
Ali səviyyədə görüşlər:
Ümummilli Lider Heydər Əliyev və Saparmurat Niyazov-8 dekabr 1997-ci il -İslam Konfransı Təşkilatının VIII Zirvə toplantısı, Tehran
Ümummilli Lider Heydər Əliyev və Saparmurat Niyazov-18 noyabr 1999-cu il-ATƏT-in Zirvə toplantısı, İstanbul
Ümummilli Lider Heydər Əliyev və Saparmurat Niyazov-9 iyun 2000-ci il-İqtisadi Əməkdaşlıq Təşkilatının VI Zirvə toplantısı, Tehran
Ümummilli Lider Heydər Əliyev və Saparmurat Niyazov-27 aprel 2001-ci il-Türkdilli Dövlət Başçılarının VII Zirvə toplantısı, İstanbul
İlham Əliyev və Qurbanqulı Berdiməhəmmədov-10 iyun 2007-ci il- MDB Dövlət başçılarının qeyri-rəsmi Zirvə toplantısı, Sankt-Peterburq
İlham Əliyev və Qurbanqulı Berdiməhəmmədov-4 iyun 2014-cü il-TDƏŞ IV Zirvə toplantısı, Bodrum
İlham Əliyev və Qurbanqulı Berdiməhəmmədov-5 iyun 2014-cü il-TDƏŞ IV Zirvə toplantısı Azərbaycan, Türkiyə, Türkmənistan Prezidentlərinin üçtərəfli görüşü, Bodrum
İlham Əliyev və Qurbanqulı Berdiməhəmmədov -1 oktyabr 2019-cu il-MDB Dövlət başçılarının
Zirvə toplantısı, Aşqabad
İlham Əliyev və Sərdar Bediməhəmmədov-29 iyun 2022-ci il-Xəzəryanı Dövlətlərin Dövlət Başçılarının VI Zirvə Görüşü, Aşqabad
İlham Əliyev və Sərdar Bediməhəmmədov-2 mart 2023-cü il-Qoşulmama Hərəkatının COVID-19-a qarşı mübarizə üzrə Təmas Qrupunun Zirvə görüşü, Bakı
Parlamentlərarası əlaqələr:
Azərbaycan Respublikasının Milli Məclisində Azərbaycan-Türkmənistan, Türkmənistanın Məclisində parlamentlərarası əlaqələr üzrə işçi qrupları fəaliyyət göstərir.
İşçi qrupunun Azərbaycan tərəfindən rəhbəri: Tənzilə Rüstəmxanlı
İşçi qrupunun Türkmənistan tərəfindən rəhbəri: Annamuhammet Sarcayev
7 dekabr 2022-ci ildə Azərbaycan və Türkmənistan Parlamenləri arasında əməkdaşlığa dair Anlaşma Memorandumu imzalanmışdır.
Azərbaycan Respublikası və Türkmənistan siyasi-diplomatik sahələr ilə yanaşı, iqtisadi, nəqliyyat-logistika, energetika və mədəni-humanitar sahələrdə də müvəffəqiyyətlə əməkdaşlıq edirlər.
İqtisadi əlaqələr - Hökumətlərarası Komissiya:
2008-ci ildən etibarən Azərbaycan Respublikası Hökuməti ilə Türkmənistan Hökuməti arasında İqtisadi Əməkdaşlıq üzrə Azərbaycan-Türkmənistan Hökumətlərarası Komissiyası fəaliyyət göstərir. Komissiyanın bu vaxta qədər 7 iclası keçirilmişdir.
2024-cü ildə Azərbaycan Respublikasının Türkmənistan ilə ticarət dövriyyəsinin həcmi 383,71 mln. ABŞ dolları, o cümlədən idxalın həcmi 303,47 mln. ABŞ dolları, ixracın həcmi 80,24 mln. ABŞ dolları təşkil etmişdir.
Müqavilə-hüquq bazası:
Azərbaycan Respublikası və Türkmənistan arasında 108 sənəd imzalanmışdır.
Çoxtərəfli əməkdaşlıq:
İki ölkə arasında beynəlxalq və regional təşkilatlar çərçivəsində, o cümlədən BMT, ATƏT, İslam Əməkdaşlıq Təşkilatı, İqtisadi Əməkdaşlıq Təşkilatı, Türk Dövlətləri Təşkilatı və TÜRKSOY çərçivəsində faydalı əməkdaşlıq mövcuddur.
Azərbaycan Respublikası və Türkmənistan üçtərəfli formatda da əməkdaşlıq edir. 14 dekabr 2023-cü ildə Türkmənbaşı şəhərində Azərbaycan Respublikası, Türkiyə Respublikası və Türkmənistan Dövlət Başçılarının Birinci Üçtərəfli Zirvə Görüşü keçirilib.
Eyni zamanda Azərbaycan, Türkiyə və Türkmənistan xarici işlər, iqtisadiyyat və energetika nazirləri səviyyəsində də üçtərəfli formatda əməkdaşlıq edilir.