Türkmenistanyň Prezidenti Azerbaýjanyň medeniýet ministrini kabul etdi
Türkmenistanyň Prezidenti Serdar Berdimuhamedow iýun aýynyň 5-ne Türkmenistanda saparda bolan Azerbaýjan Respublikasynyň Medeniýet ministri Adil Karimli kabul etdi.
Serdar Berdimuhamedow ilki bilen Azerbaýjan Respublikasynyň Prezidenti Ylham Aliyewe mähirli salamyny ýetirmegi haýyş etdi.
Döwlet Baştutany Azerbaýjanyň Medeniýet Günleriniň çäklerinde geçiriljek çäreleriň ýurtlarymyzyň arasyndaky medeni hyzmatdaşlygyň ösdürilmegine möhüm goşant goşjakdygyna ynam bildirip, Azerbaýjan wekiliýetine üstünlik arzuw etdi.
Mähirli kabul edişlik we Azerbaýjan wekiliýetine görkezilen myhmansöýerlik üçin minnetdarlygyny beýan eden ministr Adil Kerimli Azerbaýjanyň doganlyk Türkmenistan bilen gatnaşyklary ösdürmäge aýratyn ähmiýet berýändigini belledi. Ol pursatdan peýdalanyp, Azerbaýjanyň Prezidenti Ylham Aliýewiň mähirli salamyny we iň gowy arzuwlaryny Döwlet Baştutanyna, şeýle hem Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowa ýetirdi.
Adil Kerimli özara geçirilýän Medeniýet Günleriniň iki ýurduň arasyndaky gatnaşyklaryň pugtalanmagynda möhüm orun eýeleýändigini nygtap, Türkmenistanda saparda bolýandygyna şatdygyny aýtdy.
