Prezidentler Ylham Aliýew hem-de Serdar Berdimuhamedow Şuşa şäherinde gurlan ilkinji ýaşaýyş toplumyna bardylar
23-nji iýunda Azerbaýjan Respublikasynyň Prezidenti Ylham Aliýew hem-de Türkmenistanyň Prezidenti Serdar Berdimuhamedow Şuşa şäherinde gurlan ilkinji ýaşaýyş toplumynda bardylar.
Şuşa etrabynda Azerbaýjan Respublikasynyň Prezidentiniň ýörite wekili Aýdyn Kerimow Türkmenistanyň Prezidentine bu toplum barada maglumat berdi.
Bellenilişi ýaly, düýbi 2021-nji ýylda döwlet Baştutany tarapyndan goýlan hem-de umumy meýdany 8 gektara golaý bolan bu toplumda 23 sany bina guruldy. Ýaşaýyş toplumyndaky 450 öýüň 28-si bir otagly, 195-si iki otagly, 190-y üç otagly, 30-y dört otagly, 7-si bolsa bäş otaglydyr.
Bu toplumda öňki mejbury göçürilen raýatlar hem-de Şuşa şäherinde dürli döwlet edaralarynda işleýän işgärler üçin niýetlenen gulluk ýaşaýyş jaýlarynda ýaşaýan adamlar ýerleşdirilýär.
Bu ýerde giň gerimli abadanlaşdyryş we gurluşyk işleri alnyp baryldy, ýaşyl zolaklar döredildi, ýaşaýjylaryň rahatlygy we dynç almagy üçin ähli şertler üpjün edildi.
