Iýun aýynyň 22-ne Azerbaýjan Respublikasynyň Prezidenti Ylham Aliýewiň hem-de Türkmenistanyň Prezidenti Serdar Berdimuhamedowyň gatnaşmagynda Azerbaýjan Respublikasy bilen Türkmenistan arasynda gol çekilen resminamalaryň alyş-çalyş dabarasy geçirildi.

Azerbaýjan Respublikasynyň Prezidenti Ylham Aliýew hem-de Türkmenistanyň Prezidenti Serdar Berdimuhamedow Bilelikdäki Beýannama gol çekdiler.

“Azerbaýjan Respublikasy bilen Türkmenistanyň arasynda daşalýan harytlar we ulag serişdeleri barada deslapky maglumatlary alyşmak boýunça Tehniki şertler” resminamasyny Azerbaýjan Respublikasynyň Döwlet gümrük komitetiniň başlygy Şahin Bagyrow hem-de Türkmenistanyň Döwlet gümrük gullugynyň başlygy Maksat Hudaýgulyýew alyşdylar.

“Azerbaýjan Respublikasynyň Döwlet gümrük komiteti bilen Türkmenistanyň Döwlet gümrük gullugynyň arasynda özara söwdäniň gümrük statistikasy babatda hyzmatdaşlyk etmek hakynda Teswirnama” resminamasyny Şahin Bagyrow bilen Maksat Hudaýgulyýew alyşdylar.

“Azerbaýjan Respublikasynyň Ýaşlar we sport ministrligi bilen Türkmenistanyň Bedenterbiýe we sport baradaky döwlet komitetiniň arasynda sport ulgamynda hyzmatdaşlyk etmek hakynda özara düşünişmek hakynda Ähtnama” Azerbaýjanyň ýaşlar we sport ministri Farid Gaýybow hem-de Türkmenistanyň Bedenterbiýe we sport baradaky döwlet komitetiniň başlygy Allaberdi Saparow tarapyndan alyşyldy.

“Azerbaýjan Respublikasynyň Zähmet we ilaty durmuş taýdan goramak ministrligi bilen Türkmenistanyň Zähmet we ilaty durmuş taýdan goramak ministrliginiň arasynda zähmet we ilaty durmuş taýdan goramak ulgamynda hyzmatdaşlyk etmek hakynda özara düşünişmek hakynda Ähtnama” Azerbaýjanyň zähmet we ilaty durmuş taýdan goramak ministri Anar Aliýew hem-de Türkmenistanyň zähmet we ilaty durmuş taýdan goramak ministri Muhammetseýit Sylapow tarapyndan alyşyldy.

“Azerbaýjan Respublikasynyň Saglygy goraýyş ministrligi bilen Türkmenistanyň Saglygy goraýyş we derman senagaty ministrliginiň arasynda saglygy goraýyş ulgamynda hyzmatdaşlyk etmek hakynda özara düşünişmek hakynda Ähtnama” Azerbaýjanyň saglygy goraýyş ministri Teýmur Musaýew hem-de Türkmenistanyň saglygy goraýyş we derman senagaty ministri Myratberdi Gaýypow tarapyndan alyşyldy.

“Azerbaýjan Respublikasynyň Hökümeti bilen Türkmenistanyň Hökümetiniň arasynda azyk howpsuzlygy babatda hyzmatdaşlyk etmek hakynda Ylalaşyk” Azerbaýjan-Türkmenistan Bilelikdäki hökümetara toparynyň egindeş başlygy, Azerbaýjanyň ykdysadyýet ministri Mikaýyl Jabbarow hem-de Türkmenistanyň saglygy goraýyş we derman senagaty ministri Myratberdi Gaýypow tarapyndan alyşyldy.

“Azerbaýjan Respublikasynyň Hökümeti bilen Türkmenistanyň Hökümetiniň arasynda 2026–2028-nji ýyllar üçin senagat ulgamynda hyzmatdaşlyk Maksatnamasy” Mikaýyl Jabbarow hem-de Türkmenistanyň senagat we gurluşyk önümçiligi ministri Toýguly Nurow tarapyndan alyşyldy.

“Azerbaýjan Respublikasynyň Hökümeti bilen Türkmenistanyň Hökümetiniň arasynda energetika ulgamynda hyzmatdaşlyk etmek hakynda Ylalaşyk” Azerbaýjanyň energetika ministri Perwiz Şahbazow hem-de Türkmenistanyň Ministrler Kabinetiniň Başlygynyň orunbasary, “Türkmennebit” döwlet konserniniň başlygy Guwanç Agajanow tarapyndan alyşyldy.

“Azerbaýjan Respublikasynyň Oba hojalyk ministrligi bilen Türkmenistanyň Oba hojalyk ministrliginiň arasynda oba hojalygy ulgamynda hyzmatdaşlyk etmek hakynda özara düşünişmek hakynda Ähtnama” Mikaýyl Jabbarow hem-de Türkmenistanyň Ministrler Kabinetiniň Başlygynyň orunbasary Hojamyrat Geldimyradow tarapyndan alyşyldy.

“Azerbaýjan Respublikasynyň Merkezi banky bilen Türkmenistanyň Maliýe we ykdysadyýet ministrliginiň arasynda hyzmatdaşlyk etmek hakynda özara düşünişmek hakynda Ähtnama” Mikaýyl Jabbarow hem-de Hojamyrat Geldimyradow tarapyndan alyşyldy.

“Azerbaýjan Respublikasynyň Hökümeti bilen Türkmenistanyň Hökümetiniň arasynda ykdysady hyzmatdaşlygy ösdürmegiň we çuňlaşdyrmagyň esasy ugurlary hakynda Ylalaşyk” Mikaýyl Jabbarow hem-de Hojamyrat Geldimyradow tarapyndan alyşyldy.

“Azerbaýjan Respublikasynyň Daşary işler ministrligi bilen Türkmenistanyň Daşary işler ministrliginiň arasynda 2026–2029-njy ýyllar üçin Hyzmatdaşlyk maksatnamasy” Azerbaýjanyň daşary işler ministri Jeýhun Baýramow hem-de Türkmenistanyň Ministrler Kabinetiniň Başlygynyň orunbasary, daşary işler ministri Raşid Meredow tarapyndan alyşyldy.