“Aşgabat” kinoteatrynda nobatdaky filmimiz - “Dogma toprak” atly doly metražly çeper film hem görkezildi
Azerbaýjan Respublikasynyň Kino Agentliginiň goldawy bilen 2025-nji ýylda “Nerimanfilm” kinostudiýasynda düşürilen “Dogma toprak” atly doly metražly çeper filmiň goýujy režissýory we ssenariý awtory Ilgar Safatdyr.
Garaşsyz Azerbaýjan öz çäginde-Garabag sebitinde separatçylara garşy göreş alyp barýar. Londondan gelen žurnalist Miranda Kawkaz gaplaňy (Kawkaz bəbiri) barada dokumental film taýýarlamak üçin Azerbaýjana gelýär. Ol öz gözlegleriniň dowamynda diňe bir gaplaň bilen bagly maglumatlary däl, eýsem Azerbaýjanyň hasratly we şöhratly taryhy bilen baglanyşykly köp sanly hakykatlary hem öwrenýär. Mirandanyň syýahaty tebigatyň, taryhyň we adam ykballarynyň kesişýän ýerinde bolup geçýän täsirli hem dramatik bir hekaýa öwrülýär.
Üç filmiň ählisini hem Türkmenistanyň meşhur alymlary we medeniýet işgärleri, jemgyýetçilik wekilleri hem-de talyplar tomaşa etdiler.
Ekran eserleri tomaşaçylar tarapyndan uly gyzyklanma bilen garşylandy.
